Gadishulli Kamçatka, ku një tërmet i fuqishëm me magnitudë 8.8 goditi mbrëmë zonën, është pjesa më lindore e Federatës Ruse, e kufizuar nga Oqeani Paqësor dhe Deti i Okhotsk.
Me një gjatësi prej 1200 kilometrash, gadishulli banohet nga pak më shumë se 300.000 persona, pothuajse të gjithë me etni ruse.
Një “tokë zjarri, akulli dhe heshtjeje”, e izoluar nga pjesa tjetër e vendit, pa lidhje rrugore me Rusinë kontinentale.
Rajoni është një parajsë vullkanike, një Vend i Trashëgimisë Botërore të UNESCO-s.
Me mbi 160 vullkane, tridhjetë prej të cilëve janë aktivë, është një nga zonat më sizmike aktive në botë.
Mali Klyuchevskaya Sopka një kolos prej 4750 metrash, ngrihet mbi një peizazh llave, mjegulle dhe akullnajash. Pranë saj, Lugina e famshme e Gejzerëve vlon me avull dhe ujëra sulfurore, duke ofruar një spektakël natyror që pak veta mund ta përballojnë ta shohin, jo vetëm për shkak të kostos, por edhe për shkak të logjistikës së ndërlikuar.
Arritja në Kamçatka është një udhëtim drejt të panjohurës. Duhet të paktën një fluturim tetë orësh nga Moska, duke u ulur në Petropavlovsk-Kamçatsky, i vetmi qytet i vërtetë në rajon.
Prej andej, brendësia hapet në një mozaik pyjesh dhe vargmalesh ku arinjtë kafe janë më të shumtë se banorët. Nuk ka hekurudha ose autostrada që të çojnë jashtë, pasi gadishulli është, në fakt, një ishull.
Për arsye strategjike ushtarake, dhe veçanërisht afërsia me Shtetet e Bashkuara të Amerikës, rajoni ishte i ndaluar si për të huajt ashtu edhe për rusët deri në vitet 1990.
Vendndodhja e tij e bënte të përsosur për bazat e nëndetëseve, radarët dhe siluret bërthamore. Disa pjesë të shtetit janë ende të paarritshme.
Megjithatë, sot, shteti po përpiqet të rishpikë veten. Turizmi i specializuar, përfshirë ecjen në vullkan, peshkimin ekstrem dhe vëzhgimin e jetës së egër, tërheq një numër të vogël udhëtarësh çdo vit. Por ekonomia mbetet e brishtë, e mbështetur kryesisht nga peshkimi dhe subvencionet qeveritare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
