Komisioneri Hetimor i ngritur dje nga Kuvendi i Shqipërisë për të shkarkuar presidentin Ilir Meta, do të mblidhet sot për të nisur nga puna. Me votimin dje në Kuvend me 98 vota pro, ky Komision, i drejtuar nga deputeti socialist, Alket Hyseni, fillon sot punë.
Komisioni u ngrit dje dhe pjesë e Komisionit do të jenë edhe deputetët e opozitës parlamentare. Ata janë Myslim Murrizi, Halil Jakimi dhe Arlind Çarçani, të tre deputetë që nuk morën asnjë mandat në zgjedhjet e 25 prillit 2021.
Vete Presidenca e ka quajtur vendimin e Parlamentit per ngritjen e ketij komisioni, nje vendim nul i marre sipas saj nga nje parlament njepartiak dhe i paligjshem.
Komisioni Hetimor do të punojë për gati një muaj. Ky komision ka për synim të provojë se ishin deklaratat e Ilir Metës që nxitën dhunë dhe provokuan vrasjen e Pjerin Xhuvanit në Elbasan.
Fjala e fundit më pas, i përket Gjykatës Kushtetuese. Ajo vendos nëse presidenti ka bërë shkelje të rënda për heqjen e detyrës, apo mund të vazhdojë ta ushtrojë funksionin e tij deri në përfundim të mandatit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
