Ish- komandanti i Focave Detare Artur Meçollari është paraqitur sërish sot në SPAK.
MCN TV mëson se ai do të japë shpjegime për kallëzimin për ndërtimet që janë bërë brenda bazës ushtarake të Shëngjinit.
Meçollari paraqitet në SPAK në cilësinë e ish-funksionarit ushtarak, në lidhje me hetimet që po kryhen për privatizimin e pronave të ushtrisë në Shëngjin dhe Sarandë.
Kujtojmë që në SPAK është paraqitur më herët ministrja Olta Xhaçka, deputeti i PS Bardhyl Kollçaku dhe vetë Artur Meçollari.
Xhaçka dhe Kollçaku janë kallëzuar nga ish-gjenerali Meçollari në vitin 2021 për “shpërdorim detyre” dhe tjetërsim të pronave ushtarake.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
