Policia britanike po u kundërpërgjigjet të shtënave me armë zjarri në stacionin e metrosë Oxford Circus Tube në Londër.
BBC raporton se ka dyshime që incidenti me armë të jetë sulm terrorist. Ndërkohë, autoritetet kanë evakuuar të gjithë qytetarët në këtë zonë.
Forca të shumta policia ndodhen në vendngjarje dhe kanë bllokuar të gjitha rrugat.
Policia britanike bën me dije se oficerët kanë qenë në vendngjarje, duke paralajmëruar njerëzit të shmangin zonën e West End.
“Stacioni Oxford Circus është mbyllur ndërsa ne po hetojmë për incidentin”, tha kompania “Transport for London”.
Gazetari i BBC Helen Bushby raporton se mes njerëzve ka panik, dhe disa prej tyre janë larguar nga vendngjarja mes britmave dhe të qarave. Ky incident vjen në ditën e “të premtes së zezë” ku qendrat tregtare bëjnë ulje masive. Megjithatë ende nuk dihet nëse kemi të bëjmë me një incident të zakonshëm, apo jo.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
