Presidenti amerikan, Donald Trump, është liruar nga akuzat për shpërdorim të pushtetit dhe pengim të Kongresit.
Në këtë mënyrë, Senati me shumicë republikanësh hodhi poshtë përpjekjen e Kongresit për ta shkarkuar nga detyra.
Lirimi nga akuza për shpërdorim të pushtetit u votua me 52 vota pro dhe 48 kundër, ndërsa ajo për pengimin e Kongresit me 53 vota pro dhe 47 kundër.
Në 18 dhjetor të vitit të kaluar, demokratët e akuzuan presidentin Trump se i ka bërë presion Ukrainës për të njollosur një rival të mundshëm të Shtëpisë së Bardhë.
Trump bëhet kështu presidenti i parë me një nismë shkarkimi që kandidon për një mandat të dytë.
Në votim ra në sy qëndrimi i Mitt Romney, i vetmi senator republikan që votoi pro fajësimit të Trump-it.
Nëse Senati do të gjykonte se Trump është përgjegjës për njërën nga akuzat, atëherë ai do të duhej t’i dorëzonte detyrën zëvendësit të tij, Mike Pence.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
