Analisti Sefer Selimi, në një lidhje për MCN TV, ka komentuar vizitën e presidentit Bajram Begaj në Maqedoninë e Veriut, duke u ndalur te tensionet politike dhe etnike, si dhe te çështja e përdorimit të gjuhës shqipe nga institucionet vendase.
Sipas Selimit, vizita e kreut të shtetit shqiptar vjen në një moment të polarizuar dhe nuk është e qartë nëse ka ndikuar në zbutjen e situatës.
Ai theksoi se Ministria e Arsimit në Shkup nuk pranoi të komunikojë në gjuhën shqipe, duke e cilësuar këtë si një sinjal shqetësues për zbatimin e të drejtave të shqiptarëve.
Vizita e zotit Begaj vjen në një moment goxha të polarizuar në të gjitha dimensionet politike dhe etnike në Maqedoninë e Veriut dhe nuk mund të ndaj ndonjë përshtypje deri tani nëse e ka zbutur situatën. Begaj ka dhënë mesazhe të përgjithshme mes Shqipërisë dhe Maqedonisë së Veriut. Zonja ministre e Arsimit, në mënyrë të hapur dhe të përsëritur, shpërfaq nuanca të forta nacionalizmi ndaj kulturës shqiptare, duke u fokusuar te gjuha shqipe, për të cilën duket se ka bezdi ta flasë.
Ai ngriti shqetësimin edhe për, siç tha, tendencat për të kufizuar përdorimin e shqipes në jurisprudencë, si dhe për vendime të rëndësishme në Gjykatën Kushtetuese që prekin thelbin e Marrëveshja e Ohrit.
Shqiptarët, edhe pse janë pjesë e qeverisë, janë pothuajse inekzistentë në proceset e vendimmarrjes. Është e habitshme që Begaj flet për marrëdhënie të shkëlqyera mes dy vendeve kur nuk është ashtu. Maqedonia po lëviz drejt boshtit Beograd–Budapest dhe në zbatimin e reformave në planin e BE-së mbetet prapa vendeve të tjera të Ballkanit Perëndimor, duke çaluar në të gjitha drejtimet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
