Një aksident është regjistruar paraditen e kësaj të enjteje në aksin Lushnjë-Berat, ku një automjet ka përplasur një 68-vjeçar që udhëtonte me biçikletë.
Bëhet me dije se ngjarja ka ndodhur rreth orës 10:40, në afërsi të fshatit Barbullinjë, ku shtetasi I.A 48-vjeç nga Berati ka aksidentuar 68-vjeçarin e identifikuar si Flamur Gjata i cili udhëtonte me biçikletë.
68-vjeçari është dërguar me urgjencë në spitalin e Lushnjës, ndërsa ende nuk dihet gjendja e tij shëndetësore.
Është shoqëruar drejtuesi i automjetit dhe po kryhen veprimet për zbardhjen e plotë të rrethanave të aksidentit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
