Thyhet rekordi i qershorit, temperatura në Pekin i kalon 40 gradë Celsius

Temperaturat në Pekin arritën 40 gradë Celsius ditën e sotme, për herë të parë që nga viti 2014, duke thyer rekordin për ditën më të nxehtë të qershorit, ku valët e të nxehtit që goditën Kinën veriore një javë më parë nga sa pritej, duke vazhduar edhe në fundjavë. Një stacion meteorologjik në periferinë jugore të Pekinit regjistroi një temperaturë prej 40.1°C në orën 14:30 (08:30 me orën tonë), sipas shërbimit meteorologjik bashkiak, vlera e 40 gradëve është tejkaluar për herë të parë që nga 29 maji 2014. Rekordi i mëparshëm u regjistrua më 10 qershor 1961, me ku termometri arriti në 40.6° gradë Celcius. Ditën e sotme, qyteti me afro 22 milionë banorë lëshoi një alarm “portokalli”, niveli i dytë më i lartë në sistemin e paralajmërimit të motit, duke thënë se temperaturat mund të rriten në 39 gradë Celcius në shumicën e pjesëve të qytetit nga sot deri të shtunën. Pekini, Tianjin, Hebei dhe Shandong në Kinën veriore dhe lindore u goditën nga valët e të nxehtit javën e kaluar, duke bërë që autoritetet lokale të shtojnë përpjekjet për të mbrojtur të korrat dhe turistët dhe të pezullojnë punën jashtë gjatë orëve të pikut të ditëve më të nxehta. Javën e kaluar, shërbimi kombëtar meteorologjik lëshoi një paralajmërim për valë të nxehti gati dy javë më herët se vitet e mëparshme, pasi temperaturat e reja rekord për muajin qershor u regjistruan në qytetet në të gjithë Kinën veriore. Vala e fundit e të nxehtit goditi gjithashtu rajonin e Mongolisë së Brendshme në Kinën veriore dhe Xinjiang, sipas Administratës Meteorologjike të Kinës. Kina ka një sistem paralajmërimi me katër nivele, ku niveli “i kuq” është më i larti, i ndjekur nga portokallia, e verdha dhe bluja. Alarmi “portokalli” lëshohet kur temperatura maksimale kalon 40°C në një ditë të vetme, ose temperatura maksimale mbetet mbi 37 gradë për dy ditë rresht.