Ish-drejtori i Burgjeve, Artur Zoto është dënuar me 5 vite burg ditën e sotme. Vendimi ndaj tij u dha nga Gjykata e Krimeve të Rënda, e cila e gjeti Zoton fajtor.
Vendimi u shpall në mesditë nga togat e zeza, të cilët kanë aprovuar kërkesën e prokurorisë. Zoto u arrestua rreth një vit më parë pas bashkëpunimit të Iljaz Labit me prokurorinë.
Ky i fundit tregoi se Zoto përfitonte 20 milionë lekë nga biznesmenët që merrnin pjesë në tenderat e ushqimit.
Më heret avokati i ish-kreut të Burgjeve, Ardian Leka, kërkoi pafajësi për klientin e tij.
Ai tha para gjykatës së nuk vërtetohet akuza e korrupsionit në bashkëpunim për ish-kreun e burgjeve.
Sipas avokatit, në asnjë rast prokuroria nuk ka vërtetuar se Zoto ka bashkëpunuar me ish-vartësin e tij Iljaz Labin, i cili ka tashmë statusin bashkëpunëtorit të drejtësisë.
"Në përgjime del se Iljaz Labi nuk ka pasur asnjë komunikim me Zoton", shprehet avokat Ardian Leka.
Pas vendimit avokati mbrojtës i tij u shpreh se do ta apelojë vendimin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
