Një juri në Delaware ka filluar të shqyrtojë nëse Hunter Biden, djali i presidentit amerikan Joe Biden, ka shkelur ligjin federal të armëve duke blerë një pistoletë në vitin 2018, kur ai dyshohet se ishte i varur nga kokaina.
12 anëtarët e jurisë u larguan nga salla e gjyqit pas një ore diskutimesh pa marrë një vendim të hënën. Ata janë vendosur të mblidhen sërish të martën në mëngjes.
Gjyqi i profilit të lartë po zhvillohet pesë muaj para zgjedhjeve presidenciale dhe më pak se një muaj pasi një juri në Nju-Jork e shpalli fajtor Donald Trump-in për falsifikimin e të dhënave të biznesit.
Hunter Biden, 54 vjeç, përballet me tre akuza penale të lidhura me blerjen e një revolveri Colt Cobra. Prokuroria pretendon se ai gënjeu për historinë e tij të përdorimit të drogës ndërsa plotësonte dokumentet për blerjen.
Ndërsa Biden pranoi se kishte luftuar me varësinë ndaj alkoolit dhe drogës në të kaluarën, ekipi i tij mbrojtës këmbëngul se ai nuk e shihte veten si të varur kur bleu armën e zjarrit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
