Me Xhevat Lloshin, Mustafa Nano diskutoi lidhur me shkencën në Shqipëri, ndonëse biseda pati edhe kthesa e devijime. "Ka kuptim të pretendohet të bëhet shkencë në një vend të vogël si Shqipëria?", ishte një nga pyetjet e Nanos. "Po, mund të bëhet shkencë në fushën e studimeve historike, gjuhësore e albanologjike", tha prof. Lloshi, i cili gjatë përgjigjes u ndal te roli i universiteteve, te roli i akademisë së shkencave, te konferencnat shkencore, nw tw cilat flasin njerwz qw nuk kanw asnjw kontribut shkencor, etj. "Është establishmenti politik që e ka frikë shkencën", përfundoi, "sepse të vërtetat shkencore do t'i pengojnë ata të bëjën prapësirat që bëjnë". Nano i kërkoi të shpjegohej, dhe ai tha se "fjala vjen, një ekonomist mund të mbrojë teza që u prishin hesapet politikanëve të prapë, dhe askush prej tyre nuk do donte t'i dëgjonte të vërteta të tilla".
Më tej Nano u ndal tek qëndrimi që duhet të mbajë një shkencëtar kur i duhet të thotë një të vërtetë që bie ndesh me një interes madhor. "Duhet thënë një e vërtetë e tillë që prish ekulibra të rëndësishëm?", ishte pyetja e Nanos. "Po, absolutisht po", ishte përgjigja e Lloshit. Nano vijoi: "Më lejoni të jem më konkret. Nëse do t'iu binte në dorë një fakt që provon se Formula e Pagëzimit e Pal Engjëllit, apo Meshari i Gjon Buzukut, janë dokumenta të fabrikuara, do dilnit në publik e ta bërtisnit këtë fakt?" Prof Lloshi tha se "do ta thoshte nw publik, por pa bërtitur".
Në fund të programit, Nano i bëri ftesën që këtë bisedë ta vijonin edhe të hënën e ardhshme, dhe zoti Lloshi ra dakord.
Bisedën e plotë mund ta ndiqni në linkun
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
