Ish-kryeministri i Maqedonisë, Nikolla Gruevski, është shpallur fajtor dhe është dënuar me 2 vjet burg efektiv për ndikim në veprime të paligjshme.
Gjykatësja Dobrilla Kacarska tha se Gruevski ka porositur një makinë luksoze me çmim prej 600 mijë eurosh në kurriz të buxhetit të Ministrisë së Brendshme dhe ka kërkuar edhe favorizimin e kompanisë Mak Auto Start duke e ditur se ajo është kompania e vetme e cila importon makina të tilla luksoze të tipit “Mercedes”.
Gjykata i ka konsideruar si prova të qartë dokumentet e tenderimit për blerjen e mjetit. Sipas gjykatëses Kacarska, është i qartë favorizimi i kompanisë pasi që gjitha specifikat e "Mercedes"-it që i ka vetëm ai, janë vendosur si kusht në tender.
Po ashtu, gjykata dënoi Gjoko Popovskin me 6.5 vite burg për keqpërdorim të pozitës zyrtare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
