Rrethohet përsëri me hekura kantieri në Rrjoll, banorët sërish në protestë

Kantieri i ndërtimit në Rrjoll, aty ku ndërtuesi Bashkim Ulaj po ndërton resortin e tij, është rrethuar përsëri me mur e me hekura.

Banorët e Rrjollit janë mbledhur përsëri në protestë me qëllim shembjen përsëri të rrethimit të tokës që pretendojnë se është pronë e tyre. 

Ndërkohë, kompania “Gener 2” ka reaguar përmes një deklarate, duke theksuar se respekton të drejtën kushtetuese të qytetarëve për të protestuar në mënyrë paqësore, por nënvizon se kjo e drejtë nuk duhet të shoqërohet me akte dhune, vandalizmi apo dëmtim të pronës private.

Në deklaratë, kompania i ka bërë thirrje institucioneve përgjegjëse që të marrin masat e nevojshme për garantimin e mbarëvajtjes së protestës dhe për të parandaluar çdo hyrje të paautorizuar në kantier apo veprime që mund të cenojnë sigurinë.