Gjatë ditës së djeshme kryeministri Edi Rama, kreu i Kadastrës dhe shefja e AKSH-it prezantuan një tjetër arritje të revolucionit dixhital siç e quajtën ata, marrjen e certifikatave të pronësisë përmes portalit e-Albania. Me pesimizëm që përmes këtij sistemi mund të kemi korrupsion zero sipas fjalës së kryeministrit, dhe me optimizëm që të paktën të mund të evitohet korrupsioni irritues, shprehet në intervistën e tij për TvT, gazetari i ekonomisë, Klodian Tomorri.
“Digjitalizimi i shërbimeve është gjithmonë i mirpritur, sepse heq kontaktin e zyrtarëve të shtetit me palët dhe heq mundësinë e korrupsionit, përshpejton procedurat duke hequr sorollatjet e qytetarëve nëpër zyrat e shtetit. Por fjalisë se kemi zero korrupsion në kadastra, është një fjali që as vet kryeministri nuk e beson, ai është një korrupsion i niveleve të vogla të pesë mijë lekshit, është korrupsion irritues, siç shprehet me gjuhën teknike “korrupsion i vogël”, por jo korrupsion i pronave të mëdha, siç ndodh te prona teteatri, te liqeni, te bregdeti, etj, ky është problemi kryesor që ka Shqipëria e jo digjitalizimi i çertikatave në zyrat e kadastrave”.
Tomorri në këtë intervistë, thotë se çështja e pronave te Teatri është hiq më pak se një grabitje e tokës publike, meqë sipas këtij projekti do të tjetërsohen 8 mijë metra tokë publike, ku do të ngrihen disa kulla, dhe se përtej pjesës urbanistike, kulturore e artistike, e keqja më e madhe është mbi këtë tokë publike lëshohen edhe leje ndërtimi, që përfitojnë vetë disa vetë përmes projekteve kontraverse.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
