Fill pas aksionit të sekuestros së pasurive të ish kreut të Gjykatës Kushtetuese dhe dy ish gjyqtarëve të Kushtetueses, ka ardhur edhe reagimi i ambasadores amerikane Yuri Kim, përmes një postim në Tëitter.
Ambasadorja amerikane thekson se “Reforma në Drejtësi nuk do të jetë e shpejtë, e lehtë ose e përsosur – por po ecën përpara, hap pas hapi”.
“Gjykata speciale pranoi kërkesën e SPAK për sekuestrimin e pasurive të dy ish-gjyqtarëve të Gjykatës Kushtetuese dhe ish-kreut të gjykatës Kushtetuese, të cilët u shkarkuan nga procesi e vetingut për fshehjen e pasurive të tyre.
Reforma në Drejtësi nuk do të jetë e shpejtë, e lehtë ose e përsosur – por po ecën përpara, hap pas hapi”, shkruan Kim.
SPAK vendos sot sekuestrimin e ish kreut të Gjykates Kushtetuese Bashkim Dedja, pasuritë e ish-gjyqtarit të Gjykates se Lartë, Shkëlzen Selimi, pasuritë e ish gjyqtarit të Gjykates Kushtetuese, Fatos Lulo.
Ish kreu i GJK dhe dy ish- gjyqtarët u shkarkuan pas procesit të vetingut për deklarim të rremë pasurie.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
