Kombet e Bashkuara thonë se më shumë se tetë milionë civilë janë zhvendosur brenda Ukrainës që kur Rusia filloi pushtimin e saj më 24 shkurt, pasi u larguan nga shtëpitë e tyre, por qëndruan brenda vendit të shkatërruar nga lufta.
Shifra e OKB-së bazohet në hulumtimin e kryer nga Organizata Ndërkombëtare për Migracionin ndërmjet datës 17 prill dhe 3 maj.
Sondazhi i IOM-it thekson mbështetjen financiare si nevojë dërrmuese për personat e zhvendosur brenda vendit, si dhe nevojën për strehim.
Autoritetet thonë se gati gjysma e atyre njerëzve, ose 44%, po mendonin për zhvendosje të mëtejshme për shkak të shkallës së krizës humanitare në vend.
Nevojat e të zhvendosurve brenda vendit dhe të të gjithë të prekurve nga lufta në Ukrainë po rriten çdo orë, thotë drejtori i përgjithshëm i IOM-it, António Vitorino.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
