Partizani ka fituar minimalisht ndeshjen e parë në transfertë ndaj Atletic Escaldes, në sfidën e vlefshme për turin e dytë të Conference League. Të kuqtë iu falën golit të Mba, të shënuar në minutën e 53-të, pas një gafe të portierit vendas. Ky i fundit u shfaq i përgjumur, teksa mbajti topin më shumë sesa duhej dhe sulmuesi i Partizanit përfitoi, duke rrëmbyer topin për ta dërguar më pas në rrjetë. Kampionët e Shqipërisë, kishin edhe disa raste të tjera shënimi, me Carën, Da Silvën dhe Taipin, por nuk i shfrytëzuan për ta dërguar topin në rrjetë. Me këtë fitore në Andorrë, Partizani shkon i qetë në ndeshjen e kthimit, që do të luhet pas një jave në Shqipëri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
