Sekretari organizativ i PD-së, Enno Bozdo, e shpjegon bashkëpunimin opozitar me LSI-në duke u shprehur se PD-ja nuk është në kushtet kur duhet t’i mbyllë derën atyre që janë rreshtuar pas aj. Në një intervistë për GSH, Bozdo thotë se bashkëpunimi me LSI-në si dy parti opozitare nuk është i lehtë, por Ii përcaktuar nga rrethanat e rënda në të cilat ndodhet vendi.
“PD-ja është flamurtare e luftës kundër krimit të organizuar që po qeveris vendin, e luftës kundër drogës dhe parave të saj që po kapin çdo institucion, e përballjes me kryeministrin Rama që me qeverisjen e tij i ka futur shqiptarët në krizën më të madhe të besimit pas asaj që shkaktoi regjimi totalitar i Hoxhës. PD dhe vetëm PD ka të drejtën morale ta mbajë lart këtë flamur, për shkak të opozitës së saj dhe memories historike që mbart. Për këto çështje kaq madhore, PD nuk mund t`i mbyllë derë n askujt që do t`i bashkë ngjitet kësaj kauze. Ky nuk është një “bashkëpunim i lehtë “, siç e quani ju. Ky është një bashkëpunim i përcaktuar nga rrethanat ekstremisht të rënda ku ndodhet vendi. PD-ja nuk mund të sillet si fëmijë egoist që përjashton këdo nga lodrat e veta, sepse opozitarizmi në këto rrethana është vital. PD-ja duhet të tërheqë pas vetes të gjithë, madje edhe socialistët e ndershëm që nuk janë dakord me Ramën dhe qeverisjen e tij, e jo më t`i mbyllë derën atyre që janë rreshtuar pas saj! E keqja nuk mundet me slogane, por me forcën që rrethanat diktojnë. Fitorja e kësaj kauze eshtë në rrafshin politik, fitore e PD-së. Në rrafshin shoqëror, e të gjithë shqiptarëve!”, thotë ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
