Autori i emisionit “Fokus”, gazetari Robert Papa analizoi në edicionin e lajmeve në MCN TV mesazhet nga konventa e Demokratëve në SHBA, dhe sondazhet në lidhje me garën Harris-Trump. Sipas tij problemi qëndron te fakti që Trump s’i dëgjon këshilltarët, ndërkohë që Harris nuk flet me mendjen e saj, dhe e ka bashkuar partinë. Ai vë në dukje se epitete si “komuniste” nga Trump për Harrisin nuk ndihmojnë në thithjen e votave të shtresës së mesme, ndërsa e sheh si pozitiv faktin që kandidati republikan s’po flet për NATO-n. Papa, ndonëse thekson se është ende herët dhe shanset janë 50 me 50 për qind, shton se ka një epërsi në sondazhe për Harrisin dhe mesazhet e Trump-it kanë një ngërç, ndonëse në aspektin ekonomik është më i besueshëm.
“Harris bëri një fjalim gëzimi, por s’pati asnjë specifik në programin e saj. Edhe Trump s’ishte shumë specifik në konventë. Pika më e fortë në fjalimin e Harris ishte historia e një vajze 19-vjeçare, nënës së saj nga India, dhe vajza e saj afrikano-amerikane nga i ati, arrin derisa të synojë Shtëpinë e Bardhë. Pjesa tjetër ishte thuajse propagandë, por demokratët treguan se kanë energji. Te konventa republikane 90 për qind ishin të bardhë, konventa demokrate u duk si një ndeshje NBA. Retorika në të dyja krahët është e pakuptimtë. Trump s’mund t’i thuash i çuditshëm, sepse 4 vjet ka drejtuar mirë. Në lidhje me NATO-n s’u largua. Ka thënë disa fjalë që mund të largohet, por s’është aq e lehtë. Ambasadori Bolton më tha që administrata Trump ka pasur shumë më tepër interes për Ballkanin se sa administrata Biden. Problemin Harris e ka me Gazën dhe Izraelin dhe i duhen më shumë vota.
Në 10 shtator është debati në ABC. Temat i vendos ABC, por s’besoj se do jetë për politikën e jashtme. Nëse Trump do jetë agresiv, që t’i thotë ‘komuniste’, nuk fiton te shtresa e mesme. Problemi është këtu Trump s’dëgjon asnjë këshilltar te fushata e vet. Kamala Harris s’thotë asgjë që mendon vet, drejtohet nga këshilltarët e Biden. Në qoftë se ajo do sillet si prokurore, them se ajo fiton. Problemi është që Trump-i është shumë ‘tough’. Kur arriti të shkatërronte Clinton-in që është shumë më e zonja se Harris, tregon që Trump mund të jetë fitues përsëri. Robert Kennedy ka 2-3 për qind të votave, por varet ku i ka. Shteti i diskutueshëm është Michigan-i që ka shumë myslimanë, Pensilvania gjithashtu.
Trump në këto zona humbet vetëm nga fjalori dhe mesazhi. S’mund të përdorësh sot në 2024 të njëjtin fjalor si në 2016-ën. Trump s’po flet më për NATO-n është treguar i zgjuar. S’po flet më për Ukrainën. Ende është shpejt, debati do tregojë se ku janë poll-et. Harris e ka bërë garën kompetitive. 50 me 50 për qind, s’dihet nga shkon. Demokratët si parti funksionojnë më mirë se Republikanët. Sondazhet që kanë një marsh gabimi, i japin epërsi Harrsit, tregon që mesazhi i Trump-it ka një ngërç, s’është më ai që ka qenë. Në aspektin ekonomik njerëzit besojnë Trump. A do votojnë për ekonomi, apo ideologji. Harris e ka bashkuar partinë, Trump ende jo, s’mjafton vetëm MAGA që të fitosh”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
