Rumania ka thirrur në një takim të ngarkuarin e Rusisë me punë në Bukuresht, pas gjetjes së copëzave të një droni të ngjashëm me dronët që përdoren nga ushtria ruse.
Pjesët e dronit u gjetën në zonën Plauru në prefekturën Tulcea, përgjatë kufirit me Ukrainën.
Sekretari i Shtetit, Lulian Fota, e priti diplomatin rus për t’i përçuar “protestën e Rumanisë kundër shkeljes së hapësirës rumune”, tha më 10 shtator Ministria e Jashtme e Rumanisë.
I kërkojmë me vendosmëri palës ruse që t’i ndalë veprimet kundër popullatës dhe infrastrukturës ukrainase, përfshirë ndaljen e veprimeve që do ta kërcënonin në çfarëdo mënyre sigurinë e qytetarëve rumunë në rajon.
Kreu i NATO-s, Stoltenbegr, dhe presidenti i Rumanisë, Klaus Iohannis, kanë diskutuar në një bisedë telefonik lidhur me këtë çështje.
Stoltenberg tha në X se “nuk ka indikacione për qëllime për ta sulmuar NATO-n, por këto sulme janë destabilizuese”.
Ndërsa Iohannis e lka përshkruar si “një shkelje të papranueshme të hapësirës ajrore sovrane të Rumanisë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
