Myrtezani: Arsyet që shtynë Alternativën të bëhej pjesë e qeverisë maqedonase

Në qeverinë e Maqedonisë së Veriut nga sot është bërë pjesë një tjetër parti shqiptare.

Alternativa bëhet partia e dytë shqiptare krah BDI-së së Ali Ahmetit, që hyn në qeverinë e Zaevit.

Në studion e lajmeve të MCN TV përmes një lidhjeje Skype, Orhan Myrtezani, zëdhënës dhe anëtar i Kryesisë Qendrore të Alternativës renditi arsyet që e shtynë këtë parti të bënte kapërcimin nga opozita në pushtet.

Në planin prej 9 pikash përfshihet arsyeja pse ne kemi vendosur të jemi pjesë e kësaj qeverie.

1. Momenti historik i hapjes së negociatave për anëtarësim në BE dhe mbyllja e kontestit me Bullgarinë. Në këtë mënyrë i hapim rrugë edhe Shqipërisë.
2. Jemi dakorduar për zhvillim të barabartë të rajoneve ku banojnë shqiptarë.
3. Paketë speciale për mbrojtjen e familjes si bërthamë e shoqërisë.

Për të zhbllokuar rrugëtimin e Maqedonisë drejt hapjes së negociatave, me sugjerim nga elektorati dhe faktori ndërkombëtar, në kushtet e pandemisë dhe një krize energjetike vendosëm të shmangnim shkuarjen në zgjedhje të parakohshme.