Sekretari amerikan i Shtetit, Marco Rubio, i ka bërë thirrje Kinës që të parandalojë Iranin nga mbyllja e Ngushticës së Hormuzit, një nga rrugët më të rëndësishme detare në botë.
Komentet e tij erdhën pasi televizioni shtetëror iranian Press TV raportoi se Parlamenti kishte miratuar një plan për të mbyllur ngushticën, por shtoi se vendimi përfundimtar i takon Këshillit Suprem të Sigurisë Kombëtare.
Çdo ndërprerje e furnizimit me naftë do të kishte pasoja të thella për ekonominë. Kina në veçanti është blerësi më i madh në botë i naftës iraniane dhe ka një marrëdhënie të ngushtë me Teheranin.
Çmimet e naftës u rritën pas sulmit të SHBA-së ndaj centraleve bërthamore iraniane, me çmimin e naftës së papërpunuar Brent që arriti nivelin më të lartë në pesë muaj.
"Unë e inkurajoj qeverinë kineze në Pekin që t'i telefonojë [Iranit] për këtë, sepse ata varen shumë nga Ngushtica e Hormuzit për naftën e tyre", tha Rubio në një intervistë me Fox News të dielën.
"Nëse ata [i mbyllin Ngushticat]... kjo do të jetë vetëvrasje ekonomike për ta. Dhe ne ruajmë mundësitë për t'u marrë me këtë, por edhe vendet e tjera duhet ta shqyrtojnë këtë. Do të dëmtonte ekonomitë e vendeve të tjera shumë më keq sesa tonën."
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
