Pothuajse e gjithë Meksika është prekur nga një valë të nxehti dhe në tetë shtete meksikane të kufizuara nga Paqësori dhe Gjiri i Meksikës, temperaturat pritet të kalojnë 45°C.
Kryeqyteti i Meksikës regjistroi një temperaturë rekord të hënën kur termometrat arritën 34.2 gradë Celsius, tha kreu i Komisionit Kombëtar të Ujit.
“Sot u vendos një rekord historik maksimal i temperaturës për Mexico City”, shkroi në X drejtori i përgjithshëm i Komisionit Kombëtar të Ujit (Conagua), Martinez Santoyo.
Ai shtoi se temperatura 33.9°C e arritur më 9 maj 1998 u tejkalua me 34.2 regjistruar sot në observatorin meteorologjik Tacubaya.
Mexico City dhe zona e tij metropolitane kanë më shumë se 20 milionë banorë. Bashkia ka dhënë alarm për motin, pasi temperatura të larta pritet të vazhdojnë edhe në ditët në vijim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
