Të paktën 20 persona, përfshirë fëmijë janë vrarë pasi një bandë e armatosur sulmoi një qytet të vogël në Haiti. Ndërsa 50 të tjerë u plagosën.
Qytetarët u tmerruan pas përplasjes mes bandave duke u munduar të largoheshin nga zona ku ndodhi sulmi për të shpëtuar.
Një prokuror i qeverisë e përshkroi sulmin si “një masakër”, raportojnë mediat e huaja. Bandat e armatosura kanë marrë kontrollin e pjesëve të mëdha të Haitit.
Banda ka rreth 100 anëtarë dhe është akuzuar për krime duke përfshirë vrasje, përdhunim, grabitje dhe rrëmbime, sipas një raporti të OKB-së të cituar nga AP. Si themeluesi dhe udhëheqësi aktual i saj janë subjekt i sanksioneve të SHBA.
Tërbimi i bandave të së enjtes vjen pothuajse një muaj pasi autoritetet Haitiane zgjeruan gjendjen e jashtëzakonshme për të mbuluar të gjithë vendin.
Kryeministri Garry Conille është zotuar se do të godasë bandat, me OKB që thotë se nevojitet një "përdorim i fuqishëm i forcës".
Ajo ka miratuar misionin policor të përbërë nga 2,500 oficerë nga vende të ndryshme duke përfshirë 1,000 të premtuar nga Kenia. Dislokimi i tyre është autorizuar për një vit, ndërsa rishikimi do të bëhet pas nëntë muajsh.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
