Mjeti New Shepard e kompanisë Blue Origin ka nisur fluturimin 11-minutësh në hapësirë me ekuipazhin tërësisht femër në bord.
Ylli amerikan i popit Katy Perry, Lauren Sánchez, e dashura e themeluesit të Amazon, prezantuesja Gayle King, producentja e filmit Kerianne Flynn, aktivistja për të drejtat civile Amanda Nguyen dhe inxhinierja e hapësirës ajrore Aisha Bowe janë në bordin e anijes.
Fluturimi suborbital pritet të zgjasë pak më shumë se 10 minuta dhe të arrijë një lartësi prej 100 kilometrash, duke transportuar gjashtë pasagjerët pikërisht mbi linjën Kármán, një kufi i padukshëm midis atmosferës së Tokës dhe hapësirës. Ekuipazhi i “Blue Origin” ka mundësinë që për një kohë të shkurtër të zhbllokohet dhe të notojë në gravitetin zero përpara se të kthehet në shkretëtirën e Teksasit me një ulje me parashutë.
Nuk është e qartë se sa ka paguar ekuipazhi i këtij fluturimi tërësisht femra për të qenë pjesë e misionit të sotëm.
Kompania, Blue Origin, nuk publikon një listë të çmimeve në faqen e saj të rezervimit të fluturimeve.
Në qershor 2021, Blue Origin nxori në ankand një vend në fluturimin e saj të parë dhe oferta fituese ishte 28 milionë dollarë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
