Prokurorët Klodian Braho, Adnan Xholi, Doloreza Musabelliu, Sotir Kllapi dhe Elvin Gogaj, janë 4 kandidatët që garojnë për kreun e SPAK.
Drejtuesi i ri i Prokurorisë së Posaçme do të zgjidhet për një mandat 3-vjeçar pa të drejtë rikandidimi.
Sot është afati i fundit i vendosur nga KLP për dorëzimin e platformës për prokurorët që synojnë drejtimin e SPAK.
“Afati 21 ditor i lënë nga KLP për të interesuarit për të qenë pasues të Dumanit, është në orët e fundit. Janë bërë publike emrat e garuesve.
Jo të gjithë kanë shfaqur interes. Pak minuta më parë, i fundit që ka aplikuar është Adnan Xholi. Janë dy procese që zhvillohen në godinën e SPAK. Ende pritet të ketë përgjigje kush do të jetë drejtuesi i BKH-së. Vijon të mbetet pezull për shkak të procesit të vettingut. Mund të jenë të dyja proceset paralelisht”, tha gazetari Arsen Rusta në një lidhje me studion e MCN LIVE.
Po ashtu Rusta tha se ndër hetuesit që kanë CV më të pasur, janë Adnan Xholi dhe Klodian Braho.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
