Prokuroria e Smirnës ka hapur një hetim për fituesin e Nobelit, Orhan Pamuk. Hetimet kanë të bëjnë me romanin e fundit të shkrimtarit turk, në tekstin e të cilit sipas akuzës ka fyerje ndaj themeluesit të Republikës së Turqisë, Mustafa Kemal Ataturk.
Hetimi u hap pas ankesës së avokatit të Tarcan Uluk, sipas të cilit 'Veba Geceleri' ('Netët e murtajës', në turqisht) përmban jo vetëm fyerje ndaj Ataturkut, gjë që konsiderohet krim në Turqi, por edhe gjuhën e urrejtjes.
"Unë nuk kam shkruar asgjë që ka implikime me Ataturkun dhe nuk i pranoj akuzat," i tha shkrimtari prokurorit, siç raportojnë mediat turke. Ankesa që shkaktoi hetimin i referohet edhe disa deklaratave në lidhje me kurdët dhe armenët që Pamuk i bëri në një gazetë zvicerane dhe për të cilat ai është gjykuar në të kaluarën me akuza të ngjashme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
