Kryeministrja e Britanisë së Madhe, Theresa May, do të vizitojë sot Maqedoninë. May do të mbërrijë në Shkup nga Sofia, ku po merr pjesë në samitin e BE-së dhe të vendeve të Ballkanit Perëndimor.
“Këtë vit kur shënojmë 25-vjetorin e marrëdhënieve diplomatike mes Maqedonisë dhe Britanisë së Madhe, lidhjet mes dy vendeve tona janë më të forta se kurrë më parë”, thuhet në komunikatën e kabinetit të kryeministres britanike.
May do të jetë kryeministrja e parë që vjen në Ballkanin Perëndimor prej vizitës së ish-kryeministrit, Tony Blair më 1999.
Axhenda parashikon takim me kryeministrin maqedonas, Zoran Zaev, dhe me aktivistë të komunitetit LGBT-së në kuadër të Ditës Ndërkombëtare kundër Homofobisë.
May do të mbajë një fjalim në Kuvendin e Maqedonisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
