Asambleja e PS, Kalemaj: Përzgjedhja e drejtuesve politikë, një deja-vu e katër viteve më parë

<p>Partia Socialiste mbajti sot Asamblenë Kombëtare, ku u miratua përbërja e kryesisë së re dhe drejtuesit e rinj politikë në qarqe. Politologu Ilir Kalemaj analizoi në studion e MCN TV zhvillimet e reja në gjirin e socialistëve, të cilat sipas tij reflektojnë të njëjtën logjikë të aplikuar edhe para zgjedhjeve të mëparshme.</p> <blockquote> <p><em>Është e njëjta deja-vu e asaj që ka ndodhur 4 vjet më parë. Kemi sërish Elisa Spiropalin, kemi prurje të re në vend të Ervin Bushatit. </em></p> </blockquote> <p>Duke u ndalur në mënyrë të veçantë te dy prej bashkëpunëtorëve të ngushtë të kryesocialistit Rama, Kalemaj tha se zhvendosja e tyre nuk duhet parë bardhezi.</p> <blockquote> <p><em>Zoti Balla ka pasur ëndrrën të bëhet ministër i Brendshëm, shkarkohet pa asnjë lloj justifikimi. I jepet një ministri me personel 3 veta. Kishte një lloj degradimi politik. Hiqet nga drejtimi i qarkut Fier, një nga më të mëdhenjtë dhe çohet te diaspora. Por kjo është një mënyrë e të parit të gjërave. </em></p> </blockquote> <blockquote> <p><em>Ky mund të quhet një lloj promovimi sepse diaspora merr pjesë për herë të parë në zgjedhje. Janë rreth 1.4 milionë votues në diasporë. Është gati gjysma e trupës votuese jashtë Shqipërisë. Nuk do ta shihja bardhezi, por me ngjyra. </em></p> <p><em>Edhe për zotin Gjiknuri është e njëjta logjikë. U duk se pas largimit nga Ministria e Energjetikës, ra nga fiku, siç thotë populli. Por kjo është një mënyrë e të lexuarit. Gjiknuri ka qenë një nga bashkëpunëtorët më të ngushtë të zotit Rama, i vënë në krye të reformës zgjedhore, kryenegociator i PS, interlokutor i Oerd Bylykbashit, sekretar organizativ. Gjithmonë ka pasur poste drejtuese në PS ndryshe psh nga Ditmir Bushati, i cili pas heqjes si ministër është neglizhuar dhe shpërfillur nga kupola e PS. </em></p> </blockquote> <p>Kalemaj u ndal edhe te opozita, e cila sipas tij hyn e përçarë edhe në zgjedhjet e radhës, ndërkohë që kampi tjetër po Lufton për të arritur 93 mandate. &nbsp;</p> <blockquote> <p><em>Basha ngelet të provohet sa votues i kanë ngelur. Duket qartazi që Alibeaj me zoti Shehaj po krijojnë grupin që ai kontrollonte deri dje. Basha mbetet një personazh periferik që ngelet për t’iu ;prpvuar a DO të arrijë të zgjidhet vetë. </em></p> <p><em>Opozita hyn e përç</em><em>arë në këto zgjedhje. Duhet parë a del zoti Meta më vete apo hyn në koalicion. </em></p> <p><em>Rama po Lufton për 84 e famshëm ose 93 që i lejon të bëjë ndryshime kushtetuese. Është një bast shumë i madh për të dhe për opozitën që ta frenojë këtë revansh. </em></p> <p><em>&nbsp;</em></p> </blockquote> <iframe width="1250" height="703" src="https://www.youtube.com/embed/OC_6F-vATA0" title="Asambleja e PS, Kalemaj: Përzgjedhja e drejtuesve politikë, një deja-vu e katër viteve më parë" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>