Kush është shefi më i keq në botë?

Peter Hebblethwaite, shef i P & O është zgjedhur si shefi më i keq në botë nga Konfederata Ndërkombëtare e Sindikatave. 

Në mars, deputetja skoceze Monica Lennon e quajti Hebblethwaite njeriun më të urryer në Britani. Në maj, ai mori çmimin për punëdhënësin më të keq në Evropë, të dhënë nga Federata Evropiane e Punëtorëve të Transportit. 

Dy ditë më parë, më 21 nëntor, ai u zgjedh shefi më i keq në botë nga Konfederata Ndërkombëtare e Sindikatave.

Pavarësisht konkurrencës së ashpër, shefi i Amazon, Jeff Bezos, i cili mori çmimin në 2014, doli i dyti. Hebblethwaite mori më shumë vota në një votim në internet para konventës vjetore të ITUC, e cila mbahet në Melburn, Australi, dhe mbledh një mijë sindikalistë nga njëqind vende.

Shefi i P&O Ferries, një kompani që transporton pasagjerë dhe mallra midis Mbretërisë së Bashkuar, Francës, Holandës dhe Irlandës, ka pushuar nga puna afro 800 punonjës, duke i informuar me një video mesazh të thjeshtë se ishte dita e tyre e fundit e punës. Të tronditur dhe duke mos pasur asgjë për të humbur, disa nga marinarët u përpoqën të pushtonin anijet, përpara se të shoqëroheshin me roje ushtarake. Nuk pati asnjë konsultim apo njoftim, në kundërshtim me ligjin e Mbretërisë së Bashkuar.