Presidenti i Republikës, Ilir Meta do të mbledhë sot pasdite Këshillin e Sigurisë (i dyti brenda një muaji) në funksion të masave për parandalimin e përhapjes së Covid-19.
Takimi do të zhvillohet sërish online dhe formati do të jetë i njëjtë si ai i fund marsit.
TVT.al ka mësuar se pjesë e diskutimeve do të jetë situata e vendit me Covid-19 për përballimin dhe rimëkëmbjen e vendit, skenarët nëse situata mund të përkeqësohet nga koronavirusi, çështja e riatdhesimit të shqiptarëve, por dhe problematikat e tyre në kufi.
Pjesë e mbledhjes do të jenë presidenti Ilir Meta, kryeministri Edi Rama, kryeopozitari Lulzim Basha, Kreu i Kuvendit, Gramoz Ruçi dhe ministrat Sandër Lleshaj, Etilda Gjonaj, Olta Xhacka, Arben Ahmetaj, Anila Denaj, Ogerta Manastirliu.
Kjo mbledhje vjen në një kohë kur Shqipëria ka konfirmuar 475 raste me COVID-19 dhe 24 viktima dhe 248 të shëruara, me një trend ditor që ka rënë në zbritje, e për pasojë qeveria ka paralajmëruar masa lehtësuese.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
