Ish-ministri i Brendshëm, Saimir Tahiri, do të ketë një detyrë të re në qeverinë “Rama 2”. Në mbledhjen e kryesisë së PS-së, atij iu caktua detyra e koordinatorit kombëtar për bashkëqeverisjen.
Në mbledhjen e sotme të grupit parlamentar, Kryeministri Edi Rama, njëkohësisht dhe kreu i PS-së njoftoi se platforma e bashkëqeverisjes do të bëhet publike brenda pak ditësh dhe ka për qëllim përfshirjen e qytetarëve sa më shumë në qeverisje.
Sipas kësaj platforme, qytetarët do të kenë të drejtë të thërrasin në interpelancë ministrat apo kryeministrin , një e drejtë që deri sot ka qenë vetëm e ministrave.
“Platforma e bashkëqeverisjes, që do të shpallim publikisht, pas pak ditësh, nuk do të jetë një ëebsite i radhës por mekanizëm i gjallë njerëzish që do ta përdorin atë për të realizuar dhe bërë të mundur implementimin e tre pikave kyçe të dëgjesave publike: Pastrim të gjithë mekanizmit të shtetit nga grabitqarët, shërbim, dhe ndëshkim për ata që bëhen pengesë për këto të drejta”
“Në këtë platformë do të sanksionohet e drejta e njerëzve të zakonshëm për të thirrur në interpelancë ministrat dhe kryeministrin, siç i thërret një grup shokësh, pasi të ketë mbledhur me një numër të caktuar firmash” tha Rama.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
