Ndërsa trupat amerikane përgatiten të tërhiqen nga Afganistani, pesë raketa u hodhën drejt aeroportit të Kabulit mëngjesin e së hënës.
Raketa u lëshuan mbi aeroport, por u penguan nga sistemi i mbrojtjes raketor, i instaluar nga forcat amerikane. Fatmirësisht, nga ky sulm i paralajmëruar nga Departamenti Amerikan i Shtetit, nuk ka viktima.
Presidenti amerikan, Joe Biden dhe zyrtarë të tjerë të lartë amerikanë kanë paralajmëruar se orët e fundit të operacioneve në Afganistan do të jenë jashtëzakonisht të rrezikshme, ndërsa ka takuar edhe familjarët e 13 ushtarëve amerikanë, të vrarë gjatë sulmin në Kabul nga grupi terrosit ISIS-K.
SHBA-ja i këshilloi njerëzit që të qëndrojnë larg zonës së aeroportit, pavarësisht se koha për këdo që ende përpiqet të hyjë në fluturimet e evakuimit, po mbaron.
Deri më tani, SHBA-ja dhe aleatët e saj kanë evakuuar mbi 117,000 njerëz - të huaj dhe afganë - nga aeroporti i Kabulit, që kur talebanët morën kontrollin dy javë më parë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
