Kryeministri Edi Rama ka pëecjellë një mesazh urimi sot në Ditën e Diasporës.
Përmes një postimi në “Facebook”, kreu i qeverisë u ka uruar shëndet të gjithë bashkëqytetarëve jashtë atdheut.
Po ashtu, ai u shpreh se përulet me respekt përpara kujtimit e veprës patriotike të atyre që e ngrenë lart emrin shqiptar në skenën e madhe të botës.
"Në këtë DITË TË DIASPORËS u uroj shëndet familjarisht të gjithë bashkëqytetarëve jashtë atdheut dhe përulem me respekt, përpara kujtimit e veprës patriotike të atyre që nga jashtë Shqipërisë, i dhanë vendit tonë gjithçka kishin, si edhe përpara punës së admirueshme të atyre, që e ngrenë lart emrin shqiptar në skenën e madhe të botës, pa harruar kurrësesi njerëzit e zakonshëm të këtij vendi, të cilët me mund e me sakrifica rrisin fëmijët e tyre në emigracion dhe ndihmojnë familjarët e tyre në Shqipëri".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
