Rreth 500 mijë metra katrorë tokë pranë bregdetit në Ksamil të Sarandës është sekuestruar pasi dyshohet se është përfituar përmes dokumenteve të falsifikuar nga trashëgimtarët e ish-pronarit Resul Piro.
Prokuroria e Vlorës vendosi nën sekuestro sipërfaqen e tokës pas hetimeve në bazë të materialit të referuar nga ana e Agjencia e Kthimit dhe Kompensimit të Pronave.
Prokuroria informon:Në bazë të veprimeve hetimore të deritanishme, Prokuroria ka krijuar dyshime të arsyeshme se kjo sipërfaqe tokë pranë bregut është përfituar, duke fallsifikuar dokumentat e pronësisë, si edhe duke fallsifikuar një vendim gjykate të vitit 1996. Në bazë të të dhënave të siguruara nga hetimi, Prokuroria e Vlorës paraqiti kërkesën për sekuestron të këtij trualli, kërkesë e cila u pranua”
Sipas prokurorisë trashëgimtarët e ish-pronarit Resul Piro kishin falsifikuar një vendim të Gjykatës së Sarandës me të cilin kishin arritur të bëheshi dhe pronarë të kërsaj sipërfaqeje toke.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
