Shtetet e Bashkuara të Amerikës vijojnë mbështetjen e tyre për qytetarët shqiptarë pas tërmetit të 26 nëntorit.
Mbështetja është si materiale në formë ndihmash për familjet e prekura nga tërmeti, ashtu edhe me ekspertë, të cilët vlerësojnë strukturat e ndërtesave në Durrës.
Ambasada e SHBA në Tiranë bën të ditur se Zyra për Ndihmë të Jashtme në raste Fatkeqësish e USAID në Shqipëri vazhdon të mbështesë përpjekjet për ndihmë ndaj tërmetit të 26 nëntorit.
Dje, partneri i tyre vendor, Kryqi i Kuq Shqiptar shpërndau ushqime, batanije dhe artikuj higjienë për 70 familje.
Ndërsa ekipi i inxhinierëve mbaruan vlerësimin strukturor të 14 ndërtesave në Durrës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
