Disa drejtues kanë shprehur empati me taktikat “hardcore” të Elon Musk, që kurse ai mori drejtimin e Twitter muajin e kaluar. Por Bill Gates, bashkëthemelues dhe ish-CEO i Microsoft, nuk e sheh veten mes tyre. “Situata në Twitter po i trazon gjërat”, tha ai për Financial Times duke iu përgjigjur pyetjes nëse ndreqja e ndarjeve të forta do të ishte më shumë një sfidë inxhinierike apo një sfidë ndërpersonale. “Në vend të ndërmarrjes së masave objektive, nga një grup i gjerë njerëzish, kemi parë një aktivitet të bërë nga një njeri”, shprehet ai.
Me pak fjalë, Gates mendon se qasja e Musk po bën që polarizimi dixhital të arrijë një nivel të lartë, gjë që mund të jetë katastrofike. Problemi e ka zanafillën në tetor, kur Musk bleu zyrtarisht platformën për 44 miliardë dollarë. Pothuajse menjëherë, struktura dhe rendi në Twitter filluan të zbehen. Reklamuesit u larguan masivisht, gazetarët u ndaluan, i gjithë ekipi i lartë drejtues kërkoi dorëheqjen e tij, ndërsa mijëra punonjës u pushuan nga puna. Musk po konsideron mundësinë për të rihapur llogaritë e përdoruesve që më parë janë ndaluar, përfshi ish-Presidentin amerikan Donald Trump.
Sipas studimeve nga Universiteti Montclair në Twitter ka pasur një rritje të gjuhës së urrejtjes që kur pushtetin e mori Musk. Disa nga njerëzit që u liruan ose u larguan nga kompania me dëshirën e tyre ishin përgjegjës për monitorimin dhe heqjen e përmbajtjes abuzive në platformë. Kjo është krejt e kundërta e asaj çka Gates mendon se i duhet botës. “Platformat e mediave sociale me shtrirje gjigante si Twitter, mbajnë përgjegjësi të madhe”, shtoi Gates për Financial Times.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
