Reshje dëbore gjatë gjithë natës/ ARRSH: Vështirësi nga rënia e orteqeve në aksin Bogë-Theth

Autoriteti Rrugor Shqiptar bën me dije se reshjet e dëborës kanë vazhduar gjatë natës në zonat malore të vendit. ARRSH thotë se vështirësi ka në aksin Bogë-Theth, ku kanë rënë orteqe.

Ndërkaq këshillohen drejtuesit e mjeteve të tregojnë kujdes të shtuar duke u pajisur me goma dimërore dhe zinxhirë kur udhëtojnë për në zonat malore, të ulin shpejtësinë dhe të respektojnë sinjalistikën dhe udhëzimet e Policisë Rrugore.

NJOFTIMI

Reshjet e dëborës kanë vazhduar gjatë natës në zonat malore të vendit

Kanë filluar reshjet e dëborës edhe në Qafë Plloçë-Kapshticë, Korçë-Ersekë, Libonik-Maliq, Zëmblak-Dogana Goricë, Qafë Mali-Fierzë , Pukë Fushë Arrëz-Kukës ku është punar me mjete borëpastruese dhe qarkullimi kryhet pa probleme

Në aksin Bogë-Theth në zonën e tuneleve vazhdon rënia e orteqeve duke sjellë vështirësi në qarkullim dhe pastrimin e rrugës

Kontraktorët me mjete e punëtorë kanë qenë në terren gjatë gjithë natës në të gjitha akset me prezencë dëbore për të mbajtur qarkullimin në normalitet

Tregoni kujdes të shtuar gjatë drejtimit të mjetit në kohë me reshje, pajisuni me goma dimërore dhe zinxhirë kur udhëtoni për në zonat malore, ulni shpejtësinë, respektoni sinjalistikën dhe udhëzimet e Policisë Rrugore