Deputetja socialiste Pranvera Resulaj për BKT, Procredit dhe RaiffesenBank, por edhe Credins Bank të cilat janë identifikuar në dosjen e prokurorisë në skandalin e vjedhjes së afro 40 milionë eurove nga qytetarët nëpërmjet skemës së mikrokredive, deklaroi se ka nevojë për kontroll shumë të fortë.
Duke folur për MCN Live, Resulaj tha se çështja e bankave ka qenë gjithmonë në vëmendje.
Këto kanë pa diskutim nevojë për një kontroll shumë të fortë, për një ndryshim në rregullore që është bërë nga Banka e Shqipërisë për të mbrojtur qytetarin që ka interes për kredi konsumatore, me vlera të vogla dhe me norma të mëdha interesi.
Sa më i lartë të jetë risku në një kredidhënie, institucioni bankar që e jep atë do të aplikojë norma interesi shumë të larta.
Këtu devijoi pak ky rregull bazik që duhej të zbatohej dhe u abuzua me mënyrën se si u sekuestruan asetet dhe si qytetarët u vunë në një pozitë shumë të vështirë për shlyerjen e detyrimeve.
Di që edhe vetë Ministria e Drejtësisë ka bërë kallëzim në SPAK. Është një formë e duhur për të parë se si qëndron e vërteta dhe si duhet të merren masa ndaj atyre që kanë abuzuar me kreditë.
Fola për institucionet financiare jo bankare, ndërsa bankat kanë më tepër kontroll dhe filtra sa i takon llogarive të qytetarëve, kreditimit, depozitave dhe transaksioneve që kryhen brenda sistemit bankar.
SPAK duhet t’i shkojë deri në fund kujtdo që është shkelës i ligjit dhe më në fund të mos ketë pandëshkueshmëri.
Por Banka e Shqipërisë ka marrë masa rregullatore, por do të lutesha shumë që ta lëmë SPAK-un të hetojë por pa paragjykuar sistemin bankar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
