Kanceri i gjirit, Rehovica: Ekoja nuk është vaksinë. Nuk ju shëron, por ju ndihmon. Bëjeni një herë në vit!

<p>Mjekja senologe, Edlira Rehovica, thotë se kontrollet rutinë janë shumë të rëndësishme për parandalimin e kancerit të gjirit. Rehovica tha se është e rekomandueshme një eko në vit.</p> <blockquote> <p><em>Kontrollet rutinë bëhen pa pasur gjë. Ekoja e gjirit nuk është vaksinë. Ndihmon në diagnostikim, ndaj duhet bërë çdo vit. Kemi pasur edhe pacientë meshkuj. Pavarësisht se kanë stepjen e fillimit, vendimet i marrin më shpejt se gratë. </em></p> </blockquote> <p>Ajo shpjegoi një prej faktorëve të uljes së moshës në të cilën shfaqet kanceri i gjirit.</p> <blockquote> <p><em>Ndryshimet hormonale janë faktor që ndikon në shfaqjen e kancerit të gjirit. P.sh. tani cikli nis që 11 vjeç. Pra gjiri është i predispozuar dhe kanceri shfaqet te vajzat e reja pa e nisur akoma jetën. </em></p> </blockquote> <p>Rehovica shpjegoi më tej ndryshimet mes kisteve dhe fibroadenomave.</p> <blockquote> <p><em>Në dush, nga periferia drejt qendrës, me lëvizje rrethore. Një kist që klasifikohet i thjeshtë lind dhe vdes i tillë. Pra nuk është kancer dhe nuk ka risk të bëhet. Mund të rritet apo mund të zhduket vetë. Kistet janë formacione që mund të preken edhe me dorë. </em></p> </blockquote> <blockquote> <p><em>Fibroadenomat janë kiste solide. Si mishi i huaj që del në mitër. &nbsp;Është një diagnozë që vendoset me mikroskop. Ne me anë të imazherisë ne e përcaktojmë në cilën kategori hyjnë. Pra radiologët kanë 99.9% të drejtë kur diagnostikojnë një fibroadenomë. </em></p> </blockquote> <iframe width="560" height="315" src="https://www.youtube.com/embed/WlTXYtOcH50?si=XBWvDr0u1CcEmtTV" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>