Rusia deklaron se nuk i merr seriozisht deklaratat e sekretarit të përgjithshëm të NATO-s, Jens Stoltenberg.
Kështu tha zëdhënësja e ministrisë së Jashtme ruse, Maria Zakharova.
“Nuk jemi të interesuar për deklaratat e Stoltenberg, i cili ose është sekretari i përgjithshëm i NATO-s, ose një bankier, nuk e kam kuptuar ende”.
Gjithçka duke iu referuar faktit se Stoltenberg është emëruar kreu i Bankës Qendrore të Norvegjisë për gjashtë vitet e ardhshme.
Sekretari i përgjithshëm i NATO-s, do e marrë detyrën e re në muajin shtator, pasi të ketë lënë atë aktuale.
Reagimi i zëdhënëses së MPJ ruse, vjen pasi sekretari i përgjithshëm i NATO-s, deklaroi se Rusia, nuk ka dhënë asnjë sinjal tërheqjeje në terren, por përkundrazi trupa të tjera ushtarake janë shtuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
