Pak orë para nisjes së procesit të votimit, kryetari i PD-së, Lulzim Basha, u ka bërë thirrje shqiptarëve që të mos shkojnë të votojnë. Duke ir drejtuar qytetarëve, Basha tha se nuk duhet të bien pre e provokimeve, në një kohë kur sipas tij qeverisjes së Ramës po i vjen fundi.
“Fundi i Ramës po vjen nga braktisja që po i bëhet. Ne kemi qenë parimorë dhe kemi shërbyer ndaj interesit publik. Interesi qytetar ka qenë për ne mbi të gjitha. Ndryshe nga Edi Rama që për pushtet të tij do të çojë në vëllavrasje. Mos bini pre e provokimeve për dhunë. Unë iu bëj thirrje mos të shkoni të votoni. Rezistoni. Regjimit po i vjen fundi. Sfidojeni regjimin nesër në mënyrë paqësore. Ne jemi europianë dhe sillemi si europianë. Nesër do të dallohet diferenca mes votimeve farsë dhe dinjitetit të shqiptarëve që sfidojnë regjimin. Zoti e bekoftë Shqipërinë”, tha Basha.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
