SPAK ka propozuar Joni Ketën për drejtimin e Byrosë Kombëtare të Hetimit, ndërkohë që tashmë pritet miratimi nga KLP. Gazetari Arsen Rusta në një raportim për Mcn Live bën me dije:
“Nga 7 kandidatë, ditën e djeshme u listuan vetëm 6. Gledis Nano u përjashtua nga kjo garë, ndërsa mbetën ende në garë: Andi Pogaçe, Artur Beu, Elton Kërluku, Gentian Ndoi, Gentjan Shehaj dhe Joni Keta. Ndërmjet këtyre të gjatëve, me 2 vota pro dhe 1 kundër Komisioni i Posaçëm ka propozuar emrin e Joni Keta për një mandat 5 -vjeçar. Duhet të pritet data 2 dhjetor nëse KLP do vendosë nëse do ta emërojë z.Keta për një mandat 5- vjeçar. Në këtë garë erdhëm pas përfundimit të mandatit 5-vjeçar të Aida Hajnajt.
BKH është një institucion kushtetues në varësi të SPAK, mund të themi që është një degë e Prokurorisë së Posaçme. Për llogari të SPAK, BKH bën hetime, kontrolle, sekuestro, vëzhgime, mbledhje të dokumenteve, informacioneve, marrjen në pyetje dhe shoqërimin e personave të dyshuar. Është institucion i rëndësishëm i modelit FBI në SHBA. Bëhen të gjitha veprimet nën udhëheqjen e prokurorit apo prokurorëve të çështjes. Është SPAK që ka buxhetin dhe e menaxhon për llogari të BKH”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
