George Pell shkon në burg. Ish-zyrtari i lartë i Vatikanit i është refuzuar kërkesa për lirim me kusht.
Pell u shpall fajtor nga një gjykatë në Melburn për abuzim seksual me të mitur gjatë kohës kur kryente shërbesat fetare. Gjykata i dha të drejtë një 35-vjeçari, i cili e ka akuzuar Pell për abuzim seksual kur ishte 13 vjeç, pjesë e korit të kishës, ndërsa ai ishte arqipeshkv i Melburnit.
Vetë Pell e ka apeluar vendimin, ndërsa ai ka humbur të gjitha funksionet si klerik. Që prej mbrëmjes së të martës, Pell mbahet i burgosur në Assessement Prison në Melburn, në oritje të seancës së radhës, që është parashikuar më 13 mars.
Pell është figura më e lartë në Vatikan që shpallet fajtor për abuzimin seksual të të miturve. Ai ka mbajtur më parë detyrën e kryefinancierit të Selisë së Shenjtë, një nga 3 postet më të larta në Vatikan.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
