Kompania mëmë kineze e TikTok, ByteDance thotë se nuk ka plane të shesë TikTok.
“ByteDance nuk ka plane të shesë TikTok. Njoftimet e mediave të huaja se ByteDance shet TikTok nuk janë të vërteta” postoi kompania në llogarinë e saj zyrtare në Toutiao, një platformë e mediave sociale që ajo zotëron.
Kjo deklaratë vjen pasi SHBA miratoi një ligj për ta detyruar atë të shesë aplikacionin jashtëzakonisht të popullarizuar të videove ose të ndalohet në vend.
Ligji i ri i jep ByteDance nëntë muaj afat për të shitur biznesin dhe një periudhë shtesë prej tre muajsh, përpara se të vendoset një ndalim i mundshëm.
Në fillim të kësaj jave, TikTok deklaroi se do të kundërshtonte në gjykatë ligjin, duke e cilësuar si jo kushtetues.
Deklarata nga ByteDance erdhi pas raportimeve të mediave se po eksploronte opsione për të shitur TikTok pa algoritmin që e fuqizon atë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
