Holanda ka deklaruar se qindra mijëra maska për fytyrën të importuara nga Kina janë të dëmtuara. Njoftimi është dhënë nga Ministria e Shëndetësisë holandeze.
Autoritetet holandeze morën 1.3 milionë maska për fytyrën nga Kina më 21 mars dhe shpërndanë disa prej tyre tek punonjësit e kujdesit shëndetësor që luftojnë kundër përhapjes së pandemisë vdekjeprurëse COVID-19.
Pas inspektimit u vu re se cilësia e dërgesës nuk i plotësonte standardet e kërkuara. Një test i dytë gjithashtu vërtetoi që maskat për fytyrën nuk i plotësojnë standardet e kërkuara të cilësisë. Tani është vendosur të ndalohet përdorimi i gjithë kësaj dërgesë", tha ministria holandeze, në një deklaratë dërguar “Euronews”.
Holanda nuk është i vetmi vend që ka importuar pajisje mjekësore të dëmtuara nga Kina për të trajtuar sëmundjen.
Spanja njoftoi të enjten se do të kthejë 640 000 komplete të testimit të shpejtë që kishte blerë nga një kompani kineze pasi testet kishin një normë zbulimi vetëm 30%.
Ambasada kineze në Madrid tha në “Twitter” se “Shenzen Bioeasy Biotechnology”, prodhuesi, nuk ishte licensuar zyrtarisht nga autoritetet e vendit për të shitur produkte mjekësore.
Ministri turk i Shëndetësisë zbuloi gjithashtu gjatë një konference për shtyp të premten se mostrat e testeve të shpejta që kishte marrë nga një kompani kineze nuk i plotësonin standardet e efektivitetit të vendit dhe se në vend të kësaj ishte zgjedhur një firmë tjetër, gjithashtu kineze.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
