Ministri rus i Mbrojtjes Sergei Shoigu ka udhëtuar në Korenë e Veriut për të siguruar furnizimet me armë që i nevojiten Moskës për pushtimin e saj që aktualisht të ngecur në Ukrainë. Një deklaratë e tillë vjen nga Sekretari amerikan i Shtetit, Antony Blinken. Rusia, theksoi Blinken, po përpiqet të blejë armë nga aleatët në mbarë botën. “Ne e shohim Rusinë duke kërkuar me dëshpërim mbështetje, për armë kudo që mund t’i gjejë, për të vazhduar ndjekjen e agresionit të saj kundër Ukrainës. Ne e shohim në Korenë e Veriut dhe e shohim gjithashtu me Iranin, i cili e ka furnizuar Rusinë me shumë dronë që ajo po i përdor për të shkatërruar infrastrukturën civile dhe për të vrarë civilët në Ukrainë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
