Një kontejner me mallra të bllokuar rezultoi se mungonte në portin e Durrësit, i cili është pikasur nga autoritetet doganore më 9 prill.
Dyshohet se kontejneri duke u menduar i boshatisur, është imbarkuar gabimisht drejt portit të Pireut, në Greqi.
Gazetarja Ervina Garo raportoi për “MCN Live” se kontejneri ndodhej në zonën e monitorimit, aty ku grumbulloheshin mallrat e bllokuar për prekje të pronësisë intelektuale, që mund të ishin të falsifikuara, veshje, atlete, kufje etj.
Duke qenë se në vijimësi ishte monitoruar ky kontejner në zonën e verifikimit, për të vërtetuar nëse ishin mallra origjinalë apo të falsifikuar, pikërisht në 9 prill, agjentët e doganës dhe antikontrabandës do të kontrollonin të njëjtin kontejner dhe vunë re mungesën e kontejnerit në zonën e monitorimit.
Doganat iu drejtuan Autoritetit Portual Durrës, pasi prej një viti terminali i kontejnerëve është nën monitorim e Autoritetit Porutal Durrës. Dyshohet se kontejneri u imbarkua gabimisht drejt portit të Pireut, duke u ngatërruar me kontejner të boshatisur.
Pas ndërveprimit, kontejneri u rikthye në portin e Durrësit. Ndërkohë pritet nëse do të ketë përgjegjësi disiplinore, nëse ka përgjegjës doganorë apo jo. Prokuroria ka kërkuar kamerat e sigurisë nga Autoriteti Portual Durrës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
