Edhe pse pandemia frenoi rritjen ekonomike, përgjatë vitit të fundit shkatërrimi i pyjeve nuk u ndal.
Humbja e pemëve në zonat më kritike tropikale u rrit 12% në vitin 2020 në krahasim me një vit më parë. Të dhënat u bënë publike sot nga Global Forest Watch, një iniciativë e udhëhequr nga Instituti Botëror i Burimeve.
Ky shpyllëzim kontribuoi me 2.6 miliardë tonë metrikë dioksid karboni, ndryshe ndotja që shkaktojnë në një vit 570 milionë makina.
Viti 2020 është i treti në listën e viteve më dëmet më të mëdha në pyje që nga viti 2002. Shtatë vjet më parë, shpresat për të përgjysmuar shpyllëzimin ishin të mëdha. Sekretari i Përgjithshëm i Kombeve të Bashkuara mblodhi diplomatët, udhëheqësit e biznesit dhe aktivistët në samitin e klimës në 2014, ku shumica ranë dakord për një objektiv të tillë. Dështimi për ta përmbushur atë, apo edhe për ta afruar, vjen në një kohë kur presioni i përgjithshëm për të ulur emetimet e CO2 është rritur në mënyrë dramatike.
Dhjetra vende dhe qindra biznese po përpiqen të ulin ndikimin e emetimeve nga të gjitha burimet në zero deri në vitin 2050, në përputhje me udhëzimet shkencore që synojnë ndaljen e ngrohjes globale.
Global Forest Watch përdor termin "humbje e pemëve" në vend të "shpyllëzimit" sepse të dhënat përfshijnë pyje natyrore dhe të rritura, dhe gjithashtu numërojnë humbjet nga zjarret. Humbja e pemëve në Brazil u rrit me 25% në vitin 2020 dhe totali prej 1.7 milion hektarësh (rreth 6,600 milje katrore) ishte tre herë më i madh se kontribuuesi i dytë më i madh, Republika Demokratike e Kongos.
Rezultatet e vitit 2020 tregojnë edhe arritje. Indonezia e reduktoi shkallën e humbjes së pyjeve përgjatë 4 viteve të fundit. Po ashtu, edhe Malajzia ka një normë në rënie të humbjeve që nga 2015.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
