“Light” u kodua një operacion i policisë së Kurbinit gjatë të cilit u godit një rast i kultivimit të bimëve narkotike në ambiente të hapura dhe të mbyllura, duke u vënë në pranga një person.
Pas një hetimi proaktiv disajavor, u organizua dhe finalizua me sukses operacioni policor antikanabis të koduar “Light”, si rezultat i të cilit është goditur një tjetër rast i kultivimit të bimëve narkotike në ambiente të hapura dhe të mbyllura.
Gjatë këtij operacioni u arrestua në flagrancë Ylli Tafa, 29 vjeç, banues në lagjen “Drita”, Mamurras, për veprat penale “Kultivimi i bimëve narkotike” dhe “Prodhimi dhe shitja e narkotikëve”.
Gjatë kontrollit të ushtruar brenda banesës së 29-vjeçarit që e kishte përshtatur si magazinë, shërbimet e Policisë gjetën dhe sekuestruan në cilësinë e provës materiale, 57 kg bimë të dyshuara narkotike kanabis sativa, të grira e të vendosura në proces tharjeje. Në vijim të kontrollit u sekuestruan edhe 100 bimë të dyshuara narkotike kanabis sativa, të cilat u gjetën të kultivuara në ambientet e jashtme të banesës së Tafës.
Ndaj të dyshuarit materialet iu referuan Prokurorisë Kurbin, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
